VAI DE RODA


Asociación de música e baile tradicional de Rianxo
CONTACTOS:
654412094
vaiderodarianxo@gmail.com


Vai de Roda recibiu no ano 2011 subvención da Deputación de A Coruña para a adquisición de dúas gaitas en SI bemol.

O meu perfil
vaideroda
 ASOCIACIÓN
 SERÁN MAR DE RIANXO
 VAI DE RODA EN IMAXES
 RECOMENDADOS
 ARQUIVO
 ANTERIORES
 BUSCADOR
 BUSCAR BLOGS GALEGOS

Máis grupos inscritos

Os grupos seguen a inscribirse, promete ser un serán dos de lembrar.
Aquí vén a forza gaiteira e pandereteira da Barbanza!!


Gaiteiros de Isorna antigo Ollando as Cercas co seu mestre e fundador Xosé Romero.
Pandereteiras das Amas de Casa de Catoira
Pandereteiras de Tahume - Olveira
Gaiteiros de Río do Anxo de Asados
Pandereteiras do Liceo de Rianxo
Comentarios (2) - Categoría: Serán Mar de Rianxo - Publicado o 06-05-2008 21:36
# Ligazón permanente a este artigo
Grupos xa inscritos no Serán

Isto vaise animando, polo de agora xa temos confirmados os seguintes grupos para o III Serán Mar de Rianxo. Xa non queda moito para o sábado, así que non o pensedes máis, inscribídevos!

Os Campantes da Baña
Os Pequenos da Baña
Asoc. cultural Rueira fillos de Palmeira
Os "Quen son estes" de Cacheiras
Milloverde da Coruña
Veciños de Numide,
Veciños de Limiñoa
As Anduriñas de Pazo de Borbén
Novas Amistades de Nespereira
As da Ermida
Pandereteiras de San Vicente de Oitaven
Veciños de Toutón
Dignas del Querer de Laxoso
Pandereteiras do Rego do Bargo de Pontecaldelas
Pandereteriras de "Árdelle o eixo" de Nespereira
Tarambaina I de Lavadores
Tarambaina II de Lavadores
Comentarios (1) - Categoría: Serán Mar de Rianxo - Publicado o 05-05-2008 15:55
# Ligazón permanente a este artigo
Xa está aquí!!

Xa temos cartel para o serán; mirade que ambientazo.
Animádevos a participar, inscribídevos se tedes un grupo e se non o tedes non deixedes de vir a Rianxo o 10 de maio para bailar, cantar e gozar da festa.

Comentarios (2) - Categoría: Serán Mar de Rianxo - Publicado o 15-04-2008 22:30
# Ligazón permanente a este artigo
10 de maio
O sábado 10 de maio no Campo de Arriba de Rianxo, ás nove e media da noite comezará o III Serán do Mar organizado por Vai de Roda. Estade atentos á información que iremos colgando no blog e non deixedes de botar un ollo ao contador da man dereita. Xa queda menos ...
Comentarios (3) - Categoría: Serán Mar de Rianxo - Publicado o 20-03-2008 02:53
# Ligazón permanente a este artigo
O Suqui Suqui
Os parrafeadores de Vai de Roda coa charanga cantan Cantos de Bodega de Oímbra, entre eles o Suqui Suqui.



Comentarios (0) - Categoría: Actuacións - Publicado o 02-03-2008 10:07
# Ligazón permanente a este artigo
Rumba de Pucho
Outro dos videos de presentación da charanga, neste caso a Rumba de Pucho na Guadalupe do 2007.



Comentarios (0) - Categoría: Actuacións - Publicado o 02-03-2008 10:04
# Ligazón permanente a este artigo
Xota cruzada de Calvos
Xa está aquí o primeiro dos videos das actuacións de Vai de Roda. A charanga ao completo interpretando a Xota Cruzada de Calvos nas festas da Guadalupe.


Comentarios (1) - Categoría: Actuacións - Publicado o 25-02-2008 00:18
# Ligazón permanente a este artigo
Serán Mar de Rianxo
Na idea de preservar os costumes tradicionais galegos, Vai de Roda decide no ano 2006 realizar o que foi o primeiro serán do concello de Rianxo, dando a coñecer para o público da zona un uso tradicional moi arraigado nas zonas rurais de Galicia tempos atrás e que actualmente entrou nun momento de recuperación, grazas precisamente ao esforzo de asociacións como a nosa, que traballan para que este elemento enriquecedor da cultura galega non caia no esquecemento.
O esforzo de facer un serán na nosa terra é dobre, dado que a tradición propia non axuda e temos que "importar" a memoria dos seráns doutros concellos. A organización necesitou dispor dun grupo de persoas maiores que nos transmitiron en directo e en primeira persoa como se vivían os seráns nos tempos nos que se realizaban sen necesidade de intervención de asociación algunha. Contamos coa participación da memoria viva dos seráns de maior sona de Galicia procedentes dos lugares de Moscoso, Hermida, Pazos de Borbén , Amoedo, Toutón e Ponte Caldelas, todos na provincia de Pontevedra. Grazas a eles, o I Serán do Mar de Rianxo acadou o recoñecemento do público asistente, que nos trasmiteu a petición de continuidade e -o que para nós foi mais importante- o reconocemento das persoas maiores que participaron, tanto dos que subiron ao escenario a cantar e o tocar e dos que bailaron no campo -dos máis veteranos e expertos bailadores da montaña galega- como dos nosos maiores de Rianxo, que disfrutaron coa música e o baile no Campo de Arriba.
Cando fixemos o primeiro serán xa tiñamos vocación de continuidade por iso o numeramos: 1º. Pero non o tiñamos moi claro, non sabiamos que repercusión ia ter no noso municipio, onde o serán non está arraigado. A realidade sorprendeunos gratamente polos eloxios recibidos os días posteriores ao serán e porque moitos veciños e veciñas de Rianxo esperaban polo próximo e nos animaban a continuar. O serán gustou moito, tanto a xente maior como á xente nova e foi un punto de encontro de persoas de todas as idades. Gustounos tamén ver como o número de grupos de Rianxo que subiron ao palco superou as nosas previsións.
O segundo serán celebrouse na lonxa de Rianxo, cedida pola confraría xa que o tempo non nos acompañou. Contamos de novo coa participación das persoas mais relevantes neste tipo de acontecementos dos lugares de Toutón, Pazos de Borbén, A Ermida, San Vicente de Oitavén, Laxoso, Barro de Arén, Oroso e Cercedo. Como novidade convidamos a un grupo de veteranos bailadores e cantareiras de Limiñoa, do concello de Ponteceso, no extremo mais oriental da Costa da Morte, que nos presentaron cantares e maneos, a muiñeira ribeirana e outros costumes da zona.
A segunda edición do Serán Mar de Rianxo resultou un éxito, nin a chuvia que caeu a cachón e sen tregua puido con el. Así que parece claro que os seráns se van consolidar en Rianxo e Vai de Roda, como non, xa está a traballar na organización da terceira edición.
Para ver unha mostra do ambientazo do ano pasado preme aquí.

Comentarios (0) - Categoría: Serán Mar de Rianxo - Publicado o 10-02-2008 02:07
# Ligazón permanente a este artigo
Quen somos?
A asociación de música e baile tradicional "Vai de Roda" nace como entidade sen ánimo de lucro para promover e divulgar a música e baile tradicional galego, así como todas aquelas formas de expresión que estes leven asociados (tecidos, vestimentas, costumes...), e así se reflicte nos seus estatutos, constituíndose legalmente en decembro do ano 2004.
Para esta tarefa semellaba imprescindible a creación dunha escola de música e baile tradicional.
Tras catro anos de traballo, os excelentes resultados da escola, que funciona con seccións infantil, xuvenil e adulta de baile, pandeireta, gaita e percusión, amósannos a necesidade de darlle continuidade ao noso proxecto.
Na actualidade ademais da escola a asociación conta cun grupo de pandeireteiras e unha charanga constituida por gaitas, acordeón, percusión, clarinete, saxo e frauta.
Ao longo destes anos Vai de Roda integrouse plenamente no calendario de actividades culturais organizadas polo Concello de Rianxo e tamén nas diferentes celebracións das asociacións e comisións de festas deste municipio, que contaron coa súa participación. Vai de Roda tamén levou a música e danza tradicionais a moitos outros lugares de Galicia e a progrmas da T.V.G.
Destacar dentro das actividades organizadas pola entidade e contando coa colaboración do concello, a celebración do "Serán Mar de Rianxo" que comezou a súa andadura no ano 2006. O éxito da primeira edición fixo evidente a necesidade de consolidar esta iniciativa e así celebrouse unha segunda edición no 2007 e na actualidade estase traballando na preparación do que será o "III Serán Mar de Rianxo".
Neste curso 2007/2008 botamos a andar o noso blog que pretendemos sexa un espazo desde o que mostrar o traballo que se está a desenvolver na asociación e desde o que promover e divulgar a nosa razón de ser, a música e o baile tradicionais.
E nesta nosa presentación na blogosfera queremos tamén agradecer todos os apoios que ao longo destes catro anos temos recibido de institucións e persoas de Rianxo e de diferentes lugares de Galicia.


Comentarios (0) - Categoría: A presentación - Publicado o 10-02-2008 01:30
# Ligazón permanente a este artigo
© by Abertal



Contador gratis